某人今日打電話黎…

又係講左D長編大論既教訓..

再一次令我覺得自己…好似好無用甘..

比左自己5分鐘去怨人唔明白自己..

然後諗深一層..

確實係自己無盡用時間..

得一堂課..

係就係有好多project group meeting同exams

但都未至於佔用甘多時間..

其實自己仲有好多野可以去做..

跟住諗...可以點樣做得更加productive呢﹖

去學煮野食﹖

去讀多D書充實自己﹖

去做gym?

去學返好手琴﹖

嗯...呢幾樣都係時候應該開始學習做既野

原來..我好中意彈琴..

唔知有無人見到一樣你好中意既野既時候好想行埋去做架呢﹖

好似有D人...見到麻將會手痕想去打牌﹐

又有D人見到水好想跳落去暢游一番..

而我...每次見到琴都好想去彈..

個種感覺確實幾好 :)

星期一﹐

去了朋友家..

佢屋企有部80年代既pump organ,

外型好似一部鋼琴甘..

不過instead 佢個腳踏係要好似棍波車既clutch甘

左右踏去pump d氣入去發聲

忍唔住問下可唔可以坐低彈下

彈左首somewhere out there同amazing grace

跟住彈得興奮之際

突然覺得..

我係咪呢幾年都浪費左我既talent呢﹖

以往我彈琴係為左考試﹐

為左彈比爸爸聽...

有個目標甘去練琴..

過左黎之後﹐

因為覺得無人識欣賞﹐

唔會再徙時間去彈去練..

所以E+ d skills係退步左..

諗諗下..我唔係唔中意彈琴而放棄﹐

心低原來自己係好中意彈琴..

E+有甘多既時間﹐

我想好好利用﹐

唔好徙左爸爸媽咪放係我度既心血..

我要做一個積極既人!

學好每樣野,

我許景嵐唔要比你睇死..

無工作做我可以自己揾D野黎做黎到充實自己.

我唔要做一個無用既人﹗

今日做左樣我想做好耐既事..
未必成功不過起碼我試過丫~ =]

仲有1個禮拜我就返HK喇..
好似好耐無係HK過XMAS..
好想去睇燈飾﹐
同屋企人食聖誕大餐..

仲有好懷念HK夜景..

望住HK既夜景﹐
好多時會有講不出既感覺..

一棧棧既燈火﹐
都代表住唔同人既生活。

點解有D人做事會甘成功?
點解有D人仲係OFFICE做緊野﹖

自己問自己﹐
我要做邊類型既人﹖

仲有4個FINALS..
我要努力讀書..

通常至會係百感交集既情況下先會想到XANGA...

感覺好煩亂。

尋晚坐車既時候..
諗起好多野..

係車上﹐靜靜地聽歌..
望一望每一架經過自己既車輛..
覺得............
每一個司機﹐都有自己既目的地..
每一個乘客﹐都有自己既生活方式..
每一個人﹐都有自己既故事.

跟住諗起自己既故事...
突然發然自己...好幸福..
甚至比我兩個妹妹更加幸福..
一出世就有爸爸媽媽錫..
過著公主般既生活..

學野學得多過人..
細細個就有鬼婆教英文﹐
畫畫 彈琴 網球 溜冰 游水
電腦拆機 數學補習.......
每樣野都唔會吝嗇金錢甘比我去學..

有靚衫著﹐有玩具玩﹐
衫細細個要著名牌子了﹐
鞋要著漆皮的﹐
玩具會有一間叫PLAYROOM﹐
裡面有各式各樣既玩具﹐
一座滑梯﹐一座鋼琴﹐
BARBIE公仔一堆﹐POLLYPOCKET幾個 (可以帶出街)
煮飯仔小型攤檔 等等..........

有工人煮飯樣樣照顧周到..
細細個已經係一位小公主甘﹐
小學一年班朝早起身要爸爸幫我刷牙...
功課讀書要媽咪陪..
爸爸有車﹐
每個WEEKEND都會有FAMILY DAY..
去放紙鷂 踏單車 游水 行街
去擁雅山房或姐淺水灣食TEA..

讀完小學爸爸媽媽仲帶埋一家人去移民﹐
雖然遇到不少問題﹐
但係望見3隻小魔怪﹐
亦會咬緊牙關 毫無怨言
笑住地去照顧我地...

爸爸媽咪會當我地係寶..
每樣野都係我地行先..

凍既時候 會為我地多添衣服﹐
熱既時候 會為我地墊紙巾係背隻怕我地冷親﹐
我地出國既時候 會日日打電話比我地擔心我地﹐
我地唔開心既時候 爸爸媽媽永遠都係最支持自己既一個...
我地乖既時候 佢地會引以我地3個女為榮﹐
我地曳激嬲佢地既時候 佢地會痛心地落淚﹐然後同我地講道理....

想起爸爸媽媽...
突然覺得...
佢地都老了..

爸爸以前都會車我地周圍去...
好鐘意爸爸接我地放學﹐
媽媽係學校後門企係度等我同貽貽放學果時..
跟住可以去擁雅山房﹐
同貽貽跑去噴水池望石像......
記得98年細細個果時
爸爸帶我地一家去DISNEYLAND倒數過新年﹐
回家時迷路2小時既事...

好想跟以前既爸爸講﹐
爸爸我識開車喇..
等我黎照顧返你﹐開車載你周圍去...

爸爸成日都會同我講﹐
世上最錫自己既男人非他莫屬﹐
係唯一一個 會連條命都比自己既男人..
媽媽亦都係唯一一個 不厭其煩甘去糾正我既錯﹐
把我由歪路推回軌道...

我在想...
我沒了你們我們會怎樣.................

好掛住係你地身邊比你地照顧既時候...
當我係你地身邊﹐咩野都唔成問題了.......
唔會有委屈﹐永遠有爸爸媽咪保護著...
唔開心會有人傾訴.....
唔會捱餓﹐唔會凍親﹐
病左會有人照顧............

我真係好掛住你地.......

原諒我任性既態度﹐
原諒我既唔生性..........

爸爸媽咪...
多謝你.....
有了你們﹐
我地既生活先會甘精彩.....

I LOVE YOU <3.

9月11日*

好耐都無寫過日記喇...

事關我架車病左要睇醫生﹐
所以今日JACKIE車左我返學跟住接我去食野攞車...

經過CAROWINDS﹐
諗起呀霆....

諗起之前佢係度既時候我地會成日出街HANG OUT﹐
去TAIPEI﹐去行MALL﹐去食野﹐去睇戲...
去CLUB﹐去BOWLING﹐去坐公園﹐去影相...
周圍去....

最記得以前我剛剛有車果時﹐
我地會半夜睇完戲唔想返屋企﹐
兩條友仔去WAL-MART度HEA...
會攞住部相機﹐一齊周圍影相...
會無聊到...上YM同人CHAT...
haha..咩COOKIE咩HELLO JAI JAI...
真係呢世都唔會唔記得....

呢幾日都幫眙眙搞生日..
第1個想邀請既..
竟然係呀霆你...

總覺得...你無論幾忙幾多野做﹐
你都會赴約...

今年你唔係度...
我好唔慣...

每次去CAROLINA PLACE MALL﹐
我都會不經意甘去望下BOURBON睇下見唔見到你...
每次經過MUSASHI同TAIPEI﹐
我會記得我地成日去果度食野﹐
然後會係我架車度HEA﹐你一路食住煙一路同我傾計...

你呀...返到HK...真係要比D心機讀書...
我幾唔想你走左之後會後悔...
我好想你好...
所以爸爸叫你去佢度幫手果時我好開心﹐
我覺得我爸爸會幫到你人生既一大節...
無奈你諗唔到我諗到既野﹐
你拒絕左.....

細佬...人要睇遠小小...
要望將來要為自己將來既屋企負責任..
E+開心換來第日辛苦值得嘛﹖
你係我第1個朋友要離開我而喊得好犀利既人...
我希望你明我咩意思﹐
你對我其實都幾重要...
以前有咩唔開心我都會同你講﹐
所以E+如果你有咩感情問題我一定會幫你...
會做你既伶聽者...

我...真係好掛住你....

10月17日*

今天不是好日。

今朝起身原本都無事...
唔知點解上上下堂條頸開始有D痛...
跟住上完既時候條頸已經唔轉得喇....

係學校on break果時痛到其實唔想上第2堂﹐
但係覺得橫惦都係學校咯﹐辛苦D上埋佢囉..
嘩上果堂果時真係痛到要全程托住個頭..
幾驚比先生問做乜好似訓教甘...

經過1個鐘零15分鐘之後
係好不容易既情況下呢堂終於上完..

跟住見到ROBERT﹐
佢見我甘辛苦同我出左CAMPUS出面買藥膏幫我茶..
沿途係車度果時條頸好痛﹐
痛到我喊左出黎添...

因為ROBERT 佢3點半有堂要上﹐
所以我地買完藥食完麵返返去CAMPUS。

我DROP低左佢之後﹐
我就自己開車返家了...
沿途我打比貽貽問佢食左D咩﹐
因為我知個衰妹一定好懶咩都唔會去煮黎食﹐
甘本來我諗住我2點放學買D野返去同佢一齊食﹐
點知就搞出個頸痛事件 -__-"

BUT ANYWAYS﹐

事關我條頸係轉唔到架﹐
個盲點我亦都係睇唔到架...
所以一路開車返屋企果時我都特別辛苦同埋小心﹐

當我返到屋企果時﹐
諗住茶D藥膏訓一陣會無甘痛啦。
唔係架囉﹐訓完起身仲痛﹗﹗﹗
激死........

諗住自己去囉藥食啦﹐
但係全身都好痛郁唔到...
唯有同貽貽講叫佢幫我囉..
無幾耐6叔上黎問我做咩事WOR﹐
果一刻真係.... 好辛苦﹐
個人因為好SICK﹐
所以一出口講野﹐
就忍唔住喊左出黎喇... 無用 -__-"

之後6叔話叫我今晚留係屋企﹐
話去完呀霆度食野會囉D野返黎比我食﹐
甘佢地就7點半出左門口了。

其實我果時已經有D餓﹐
不過因為真係個人好病﹐
唔係幾想離開張床﹐
加上屋企無咩野比我食﹐
甘就唯有留返係床度乖乖地甘等佢地返黎囉。

等下等下﹐
成9點半佢地都未有表示話會返﹐
甘我又好餓WO﹐
咪打比貽貽睇下佢地係邊度囉。

貽貽跟住TEXT我話﹕
"我問過架喇﹐佢地成日都話走架喇走架喇﹐但係未諗住走囉..."

讀完個TXT之後﹐
成個人即刻好唔開心。
眼淚不停甘湧出黎...
跟住心想如果我E+係響HK病﹐
DADI MAMI一定唔會甘TREAT我...

E+我又病又餓﹐
要麻煩人地擔心﹐
又好似要BEG人地比D野我食。
果一刻既心情......好難受...
跟住問自己.....
點解會甘..............

不過﹐
我係一個樂觀的人。
喊完算數﹐
佢地返黎照樣講聲唔該跟住開飯食...
雖則D麵係凍左D (凍到話我知佢地等左都幾耐下先囉野返黎比我食)
不過都算啦好過無...

E+條頸仲有D痛﹐
聽日又有EXAM...
諗起尋日MAMI講屋企野我都有D擔心...
不過無辦法我仲未可以幫到咩手..

壓力大左﹐
搞到近排個人好STRESSED﹐
減壓方法係有.... 不過都無時間丫
學校既野好多好煩好難﹐
搞到我覺得好辛苦..

不過我成日同自己講﹐
盡力就行了 =)

<<明天怎麼樣﹐在乎今天怎開始>>